Ауғанстан үкіметі аралас жекпе-жекке (ММА) тыйым салды. Ел билігі бұл спорт түрінің ислам қағидаларына сәйкес келмейтіндігін алға тартып отыр, деп хабарлайды «Адырна» тілшісі TRT-ға сілтеме жасап.
ММА-ға тыйым салу туралы тиісті бұйрықты ізгілікті насихаттау және жамандықтың алдын алу министрлігінің моральдық полициясы дайындады.
«Бұл спорт түрінің ислам ілімдеріне қайшы келетін көптеген аспектісі бар екендігі анықталды. Сондықтан Ауғанстанда аралас жекпе-жек өнеріне тыйым салу туралы шешім қабылданды»,—делінген хабарламада.
Билік басындағы тәліптер қозғалысы аралас жекпе-жек спортшының ауыр жарақатына, кейде тіпті өліміне әкеп соқтыратын тым қатігез спорт түрі екенін мәлімдеді.
