Париж Олимпиадасына қатыспай, Цинциннатидегі WTA-1000 турниріне дайындалған легионер теннисші Юлия Путинцева 17 тамызда өткен үшінші раундтық кездесуде әлемнің екінші ракеткасы испаниялық Паула Бадосадан жеңіліп қалды, деп хабарлайды “Адырна” ұлттық порталы.
1 сағат 52 минутқа созылған кездесу 6:4, 6:3 есебімен Паула Бадосаның пайдасына шешілді.
Өкінішке қарай, Путинцева екі эйс жасап, бір қос қате жіберді және алты брейк-пойнттың біреуін сәтті пайдаланды.
Цинциннатидегі турнирдің жүлде қорына келсек, биыл ол 3 211 715 доллар. Жарыс жеңімпазы 523 485 долларды алып, 1000 рейтингтік ұпайға ие болады.
Естеріңізге сала кетейік, легионер теннисшілер Елена Рыбакина мен Юлия Путинцева Париж Олимпиадасының басталуына бір күн қалғанда жазғы ойындарға қатыспайтынын айтқан еді.
