Семейде 9 жастағы бала екі күннен бері табылмай жатыр, - деп хабарлайды “Адырна” ұлттық порталы.
Абай аудандық полиция басқармасының мәліметінше, семейлік 9 жасар бала үйден шығып кеткен, қазіргі уақытта оның қайда екені белгісіз. Үстінде қызыл жейде, қою қызыл шорты, қара-жасыл кроссовка, басында қара қалпақ болған.
«Абай облысы ПД тұрғындардан 2024 жылдың 19 шілдесінде сағат 12:00 шамасында үйден шығып, із-түссіз жоғалып кеткен, кәмелетке толмаған 2015 жылғы 25 маусымда туған Мәненов Әлинұр Ерланұлын іздеуге көмек көрсетуді сұрайды. Ол Семей қаласы, Театральная көшесі, 11 мекен-жайы бойынша белгісіз бағытта шығып кеткен және оның қазір қайда екені белгісіз, сыртқы белгілері: шашы қара, көздері қоңыр, бойы 135-140 сантиметр», - делінген облыстық ПД мәлімдемесінде.
