Ғылым және жоғары білім министрлігі «Ғылым және технологиялық саясат туралы» Заңның талаптарынан туындаған әдеп үлгілері туралы толығырақ ақпарат берді, деп хабарлайды "Адырна" ұлттық порталы ҚазАқпаратқа сілтеп.
Ғылыми әдеп үлгілері туралы бұйрық жобасы көпшілік талқылауына шығарылды.
Қазақстан аумағында жұмыс істейтін ғалымдарға қойылатын әдеп үлгілері 11 принциптен тұратыны белгілі болды. Министрлік хабарламасында:
«Бұрын орындалған зерттеулер мен жарияланған нәтижелерді жаңа зерттеулер ретінде ұсынуға жол берілмейді», - деп жазылған.
Ұсынылып отырған құжатта өзге ғалымдар мен зерттеушілерді кемсітіп, қудалау да ғылыми әдепке жат екені көрсетілген.
«Ұлттық ғылыми, диссертациялық кеңестер мен комиссия мүшелерінің, сарапшылар мен рецензенттердің объективтілігіне әсер етуі мүмкін әрекеттерге жол берілмейді», - деп жазылған бұйрық жобасында.
