«Славян базары» байқауының алғашқы жүлдесі қазақстандық Ерназар Жұбанға бұйырды, деп хабарлайды “Адырна” ұлттық порталы.
14 шілде күні өткен «Витебск-2024» XXXIII халықаралық эстрадалық ән орындаушылар байқауының гран-при жүлдесі Молдоваға бұйырды. Гран-приді молдовалық Каролина Балан жеңіп алды.
Бірінші орынды қазақстандық Ерназар Жұбан иеленсе, екінші орынды итальяндық Марьям Танкреди мен ресейлік Екатерина Кузина бөлісті. Қазылар алқасының үшінші жүлдеге қатысты шешімі ұқсас болды, ол беларусь Валерий Чучман мен Болгариядан келген Невена Пейковаға берілді.
Байқаудың дипломанттары Венесуэла, Испания, Латвия, Словения, Түркия, Өзбекстан, Хорватия, Чехия және Оңтүстік Африка елдерінің өкілдері болды.
Сондай-ақ, ұлттық тақырыпты үздік іске асырғаны және жоғары орындаушылық шеберлігі үшін Владимир Мулявин атындағы арнайы сыйлықтың иегері Оңтүстік Африкадан келген Тэми Мбатха.
Беларусь және Ресей Одағы парламенттік Ассамблеясының арнайы жүлделері Ресейден келген Валерий Чучманға және Беларусьтен келген Екатерина Кузинаға берілді.
Өзбекстан өкілі Салима ұлттық салт-дәстүрді сақтаудағы жоғары шеберлігі үшін мемлекетаралық «Мир» телерадиокомпаниясының «Ән – достыққа жол» арнайы сыйлығымен марапатталды.
Беларусь президенті белгілеген «Славян үміті» арнайы жүлдесі Латвиядан келген Калерия сыйлықтарының жинағына қосылды, оны премьер-министрдің орынбасары, Фестивальді ұйымдастыру комитетінің төрағасы Игорь Петришенко табыс етті.
Байқаудың екінші күні қатысушылар «-1» саундтрегіне әлемдік хиттерді, біріншісінде Виталий Кульбаковтың жетекшілігімен Беларусь Республикасы президенттік оркестрінің сүйемелдеуімен славян хиттерін орындады.
Байқауға Ресей, Молдова, Мексика, Дания және Болгарияның танымал әншілері мен продюсерлері қазылық етті. Халықаралық қазылар алқасын әнші, Қазақ КСР халық әртісі Роза Рымбаева басқарды. Байқау қорытындысы шілденің 9-ы мен 15-і аралығында өтетін «Витебсктегі славян базары» XXXIII халықаралық өнер фестивалінің жабылу концертінде жарияланды.
