Атырауда ер адам сотта өзін өлтірмек болған, деп хабарлайды "Адырна" ұлттық порталы Ақжайық басылымына сілтеп.
Сот залында 40 жастағы ер адам қағаз кесуге арналған пышақпен өз тамырын кескен. Сотталушының оқыс әрекеті ҚР ӘҚБтК-нің 608-бабы ("Көлік құралын алкогольдік, есірткілік және (немесе) уытқұмарлық масаң күйде басқару") бойынша 1,5 жыл мерзімге бас бостандығынан айыру түрінде үкім шығарған сот шешімімен келіспеу белгісі ретінде жасалған.
Басылымның мәліметінше, бұл сот атыраулық тұрғынының алғашқы сот отырысы емес. Ол бұған дейін ҚР ҚК 389-бабы ("Өзін-өзі ұстай алмау") бойынша сотталған.
Әлеуметтік желідегі суреттерде сот залындағы еденнің қан болғанын көруге болады. Ер адам сотта шарасыздықтан осындай әрекетке барғанын айтқан.
"Мен шаршадым, қайта-қайта түрмеге түсемін. Шыққаныма бір жарым ай ғана болды. Ешқандай әділетсіздік жоқ, өзімді өлтіре саламын", – делінген журналистердің ақпаратынша.
