Тараз қаласында №53 мектеп-гимназияның алдында ер адам өзін өртемек болған оқиға тіркелді, деп хабарлайды "Адырна" ұлттық порталы Информбюроға сілтеп.
Қала әкімінің есебіне қатысқан тұрғын пәтер кезегінің жылжымайтынына наразылығын білдіріп, басшының жауабына қанағаттанбаған соң осындай қадамға барған.
Жергілікті биліктің мәліметінше, от қойған азамат жалғызбасты әке болған және өзіне қол жұмсау әрекетіне баспананың жоқтығы себеп болуы мүмкін. Оқиға орнына жеткен құтқарушылар оны аман алып қалған. Ер адам жеңіл жарақат алған, бірақ оның психикалық диспансерде есепте тұратыны белгілі болды.
Бұған дейін Маңғыстау облысы әкімдігі алдында азаматтардың бірінің өзін өртегені туралы хабарланған еді.
