Бүгін, 16 мамырда Қарағандыда полиция көлігі жол апатына ұшырап, екі адам зардап шекті, деп хабарлайды “Адырна” ұлттық порталы.
Полиция хабарлағандай, оқиға сағат 11.30 шамасында болған.
“Қарағанды қаласының 7 магистраль айналма жолында «Лада Веста» қызметтік автокөлігі, «Фотон» және «Шансиман» автокөліктерінің қатысуымен жол-көлік оқиғасы болды. Жол-көлік оқиғасының салдарынан «Лада Веста» автокөлігінің жүргізушісі, Қарағанды қаласы ПБ патрульдік полиция полкінің қызмет инспекторы ауруханаға жеткізілді”, - деп хабарлады полициядан.
Қазір болған оқиға фактісін полиция тіркеп, тиісті сараптамалар тағайындап жатыр.
