Қарағандыда 5 адамның өмірін жалмаған жол апаты орын алды

1257
Adyrna.kz Telegram

Қарағанды ​​облысында жүк көлігі мен жеңіл көлік соқтығысып, бес адам қаза тапты, - деп хабарлайды “Адырна” ұлттық порталы Tengrinews.kz сайтына сілтеп.

Оқиға 3 мамырда таңертең Шет ауданы, Ақсу ауылы маңындағы тасжолда болған. Renault Magnum жүк көлігі Toyota Camry көлігімен соқтығысқан. Соқтығыс салдарынан Toyota Camry жүргізушісі мен оның төрт жолаушысы қаза тапты. Ауыр жүк көлігінің жүргізушісі медициналық мекемеге жатқызылды.

Полиция оқиға орнынан түсірілген видеоны көрсетті. Кадрда жүк көлігі аударылып, қауіпсіздік жастықтары жарылған жеңіл көлікті көруге болады.

"Аталған факт бойынша қылмыстық іс қозғалды, барлық қажетті тергеу әрекеттері жүргізіліп жатыр. Қылмыстық істі қарау барысында оқиғаның мән-жайы мен кінәлі анықталады. Қарағанды облысының Полиция департаменті жүргізушілерден жолдарда мұқият болуды, жылдамдық режимінен аспауды, жол қозғалысы ережелерін мүлтіксіз сақтауды сұрайды", - деді Қарағанды облысы ПД бастығының бірінші орынбасары Құрманғали Исмағұлов жүргізушілерді.

Пікірлер