Ақмола облысында Р.Қошқарбаевтың 100 жылдығына орай колледж студенттерінің әскери-патриоттық сайысы өтті

665
Adyrna.kz Telegram
Фото: Қоғамдық даму орталығынан.
Фото: Қоғамдық даму орталығынан.

Ақмола облысы Ішкі саясат басқармасының «Қоғамдық даму орталығы» КММ ұйымдастыруымен Қазақ халқының хас батыры, Халық қаhарманы Рақымжан Қошқарбаевтың 100 жылдығына орай «Есімі халқына ұран болған» атты колледж студенттері арасында әскери-патриоттық сайыс өтті.

Сайыстың мақсаты – өскелең ұрпақтың еліне деген сүйіспеншілігін ояту, сонымен қатар, жоғары патриоттық сананы, өз Отанына деген адалдық сезімін қалыптастыру мен жастардың дене даярлығын, спорттық шеберліктерін арттыру.

Аталмыш сайысқа Ақмола облысы Ішкі саясат басқармасы басшысының орынбасары Жандәулет Қылышбаев, Ауған соғысының ардагері Жанатай Құсайынов , Көкшетау қ. №1 арнайы мектеп-интернатының дене шынықтыру пәнінің мұғалімі, запастағы лейтенант, қазылар алқасының төрағасы Қайрат Шамекешев, Абай атындағы дарынды балаларға арналған №3 облыстық мамандандырылған мектеп-интернатының алғашқы әскери дайындық пәнінің мұғалімі, 2-ші дәрежедегі сержант Әсет Шоқаев, № 5 «Таңдау» мектеп- гимназиясының алғашқы әскери дайындық пәнінің мұғалімі Игорь Квачадзе, Ақан Сері атындағы жоғары мәдениет колледжінің директоры Саян Мұхамедияр, «Қазақ тілі мен мәдениеті» ҚБ төрағасы Марат Қойшин, Ақмола облыстық жастар ресурстық орталығының басшысы Дастан Ермеков, зиялы қауым өкілдері, қалалық ардагерлер кеңесінің өкілдері, Ж. Мусин атындағы жоғары қазақ педагогикалық колледжінің, Ақан сері атындағы жоғары мәдениет колледжінің, Жоғары “Арна” колледжінің, Ш. Уәлиханов атындағы КУ жанындағы көпсалалы және Жоғары техникалық колледждерінің студенттері қатысты.

Жүлделі бірінші орынды Ж.Мусин атындағы Көкшетау жоғары қазақ педагогикалық колледж алса, екінші орынды Жоғары техникалық колледж, ал үшінші орынға Ақан сері атындағы жоғары мәдениет колледж жайғасты.

Сондай-ақ, Шоқан Уәлиханов атындағы Көкшетау университеті жанындағы көпсалалы мен «Арна» Көкшетау жоғары колледжінің атынан қатысқан топтарға ынталандыру сыйлықтары табысталды.

Бұндай ел жастарына үлгі-өнеге әрі рухани азық болар тағылымды іс-шаралар өз жалғасын таппақ.

Пікірлер