Bıyl Batys Qazaqstan oblysynyń densaýlyq saqtaý júıesin qarjylandyrýǵa jergilikti bıýdjetten 94 mlrd. teńge bólindi. Onyń ishinde 82,1 mıllıardy áleýmettik medıınalyq saqtandyrý qory (ÁMSQ) arqyly berilse, 11,9 mlrd. teńgesi DSB arqyly bólingen.
Oblysta Tegin medıınalyq kómektiń kepildendirilgen kólemi (TMKKK) jáne mindetti áleýmettik medıınalyq saqtandyrý (MÁMS) sheńberinde 56 medıınalyq qyzmet kórsetýshi uıym bar onyń ishinde 37-si memlekettik bolsa, 19-y jeke medıınalyq uıym. Bıyl oblys 3,1 mlrd. teńgege 26 medıınalyq jabdyq satyp alý josparlap otyr. Sonymen qatar oblystaǵy medıınalyq uıymdar úshin «KPO b.v» kompanııasynyń qarajaty esebinen jalpy somasy 25,3 mlrd. teńgege 1273 medıınalyq jabdyq satyp alynbaqshy.
Aıta keteıik byltyr densaýlyq saqtaý basqarmasy halyqty ýaqytyly ári sapaly medıınalyq qyzmetpen qamtamasyz etý úshin 630 jańa zamanǵy medıınalyq jabdyq jáne 81 birlik avtokólik satyp aldy. Dese de oblysta áli kúnge deıin eski emdeý mekemeleri bar. Olardy qazirgi zamanǵa saı etý maqsatynda bıyl 11 medıınalyq nysan kúrdeli jóndeýge jabylady. Olardyń 2-ýi oblys ortalyǵynda bolsa, tórteýi Bokeı Ordasy, taǵy beseýi Jańaqala aýdanynda.
Jalpy sońǵy jyldary oblystaǵy emdeý mekemeleri áldeqaıda jańaryp qaldy. Byltyrdyń ózinde 22 densaýlyq saqtaý nysanyna kúrdeli jóndeý júrgizildi. Onyń altaýy «Aýyl-el besigi» jobasy aıasynda jóndelse, Tasqala aýdandyq aýrýhanasynyń qarajaty esebinen Aınabulaq aýylyna jańa medıınalyq pýnkt ǵımaraty satyp alyndy.
«Aýylda densaýlyq saqtaýdy jańǵyrtý» ulttyq pılottyq jobasy sheńberinde bıyl 40 medıınalyq nysannyń qurylysy bastalmaq. Onyń 38 alǵashqy medıınalyq-sanıtarlyq kómek kórsetý nysandary bolsa, Kaztalov jáne Bórli aýdandarynda eki aýdanaralyq aýrýhana qurylysy júzege asyrylady.
Byltyr oblysta 12 medıınalyq nysan paıdalanýǵa berildi. Onyń segizi FAP bolsa, tórteýi dárigerlik ambýlatorııa. Ótken jyly jańa mednysanǵa ıe bolǵan aýyldarǵa keletin bolsaq alǵashqysy Bókeı ordasy aýdany Muratsaı aýyly. Odan bólek, Báıterek aýdany Novenkıı, Jańaqala aýdany Qyzyloba, Jánibek aýdanynyń Jaqsybaı, Qamysty aýyldary. Sonymen qatar Kaztalov aýdanynyń Qaraózen, Syrym aýdanynyń Óleńti, Terekti aýdanynyń Barbastaý, Bórli aýdanynyń Araltal, Báıterek aýdanynyń Asan, Kaztalov aýdanynyń Bostandyq, Terekti aýdanynyń Saryómir aýyldarynda jańa emdeý mekemesi ashyldy.
Medıınalyq-sanıtarlyq alǵashqy kómek obektileriniń «Qadamdyq qoljetimdiligi» jobasy sheńberinde jalpy tájirıbe dárigerleriniń 418 ýchaskesi jumys isteıdi.
