Өңірде тасқын жағдайы күрделеніп барады. Бүгін таңертең Сергеев су қоймасында асып төгілу 415 см құрады. Бұл туралы Солтүстік Қазақстан облысының әкімі Ғауез Нұрмұхамбетов әлеуметтік желіде жазды, деп хабарлайды “Адырна” ұлттық порталы.
"Өңірде тасқын жағдайы күрделі болып барады. Бүгін таңертең Сергеев су қоймасында асып төгілу 415 см құрады. 2017 жылғы тасқынның көрсеткіштерінен әлдеқайда асып түсті. Сондықтан, елді-мекендер мен облыс орталығын судан қорғау үшін күні-түні іс-қимылдар жасалуда. Ең бастысы тұрғындарды қауіпсіз жерге көшіру және мүлікті сақтауға, үлкен судың келе жатқаны туралы дер кезінде ақпарат беруге көп көңіл бөлу керек", – деп жазды СҚО әкімі Ғауез Нұрмұхамбетов.
Облыста мемлекет басшысының тапсырмасына сай жұмыс бабымен премьер-министрдің бірінші орынбасары Роман Скляр жүр. Бірінші вице-премьер тасқын жағдайына байланысты жиналыс өткізді, стратегиялық маңызы бар нысандар мен бөгеттердің жағдайын тексерді.
