Қазақ киносындағы алғашқы режиссер әйел

994
Adyrna.kz Telegram

103 жыл бұрын кәсіби режиссер Дариға Тінәлина өмірге келді, деп хабарлайды “Адырна” тілшісі.

Қазақтан шыққан тұңғыш кәсіби кинорежиссер әйел 1921 жылы 17 наурыз күні Ақмола облысы Вишневка ауданында туған.

Ол Алматы театр училищесін, Бүкілодақтық мемлекетік кинематографистер институтының режиссерлік факультетін бітірген.

Еңбек жолын актерліктен бастаған Дариға Тінәлина «Ақ роза», «Абай әндері», «Жамбыл», «Романтиктер», «Үкімет мүшесі», «Алып туралы ән» көркем фильмдеріндегі эпизодтарда ойнады.

1953 жылдан бастап режиссер ретінде жұмыс істеп, «Қазақстан кеңістігінде» атты ғылыми-танымдық фильмді де түсірген.

1954-1958 жылдары «Мосфильм» студиясының режиссері болып, «Салтанат», «Илья Муромец», «Ерекше тапсырма», «Алыстағы тауда» атты көркем фильмдердің түсірілуіне қатысты.

Сондай-ақ Дариға Тінәлина 2009 жылы «Экран шебері» атағына ие болды.

Пікірлер