Дәрігерлер жансақтау бөліміне жатқызылған саясаткер Рысбек Сәрсенбайдың қазіргі жағдайымен бөлісті

943
Adyrna.kz Telegram

Дәрігерлер жедел жәрдеммен жетіп, жансақтау бөліміне түскен саясаткер Рысбек Сәрсенбайдың жағдайы тұрақталғанын мәлімдеді, деп хабарлайды "Адырна" ұлттық порталы.

«Талғар орталық аудандық ауруханасының әкімшілігі әлеуметтік желідегі жарияланымдарға жауап ретінде Рысбек Сәрсенбайдың 2024 жылдың 9 наурызында медициналық көмекке жүгінгенін растайды. Науқас қан қысымының жоғарылауына байланысты көмекке жүгінген. Диагностикалық және емдеу хаттамасына сәйкес қажетті медициналық көмек көрсетілді. Қан қысымы тұрақтанды. Науқас жазылып, амбулаторлық емдеуге жіберілді», - делінген Талғар орталық аудандық ауруханасының сенбі күні таратқан хабарламасында.

Еске сала кетейік, бұған дейін саясаткер Рысбек Сәрсенбайды полиция ұстап алып, бөлімшеде оның жағдайы нашарлап, жедел жәрдем алып кеткенін хабарлаған болатынбыз. Саясаткер бірден жансақтау бөліміне жеткізілген еді.

Пікірлер