Алматылықтар мереке қарсаңында шеру өткізуге рұқсат алды, деп хабарлайды "Адырна" тілшісі.
Қоғам белсендісі Бибінұр Шералиева Facebook желісіндегі парақшасында бастамашыл топтың митинг өткізуге әкімдіктен рұқсат алғанын жазып, жазба жариялады.
Оның айтуынша шеру барысында әйелдердің өміріне қатысты өзекті тақырыптар айтылмақ.
"Біз Алматы қаласының әкімдігіне 7 наурыз күні М.Ганди саябағында "Әйелдердің лайықты өмірі үшін. За достойную жизнь женщин!" тақырыбында митинг өткізуге хабарлама берген болатынбыз. Біздің берген хабарламаға әкімдік тарапынан рұқсат берілді.
Осыған байланысты сіздерді 7 наурыз күні сағат 12:00-де М.Ганди саябағында өтетін іс-шараға қатысуға шақырамын. Митинг барысында қоғамдағы әйелдердің өзекті мәселелері көтеріледі. Сонымен қатар әйелдердің лайықты өмірі үшін қажетті талаптар айтылады", - деді белсенді Шералиева.
