Астанада жиһаз цехі өртеніп жатыр. Бұл туралы Төтенше жағдайлар департаменті мәлімдеді, деп хабарлайды “Адырна” ұлттық порталы.
Оқиға бүгін сағат 8:44 минутта Көктал, 28 мекенжайына болған.
Өрт сөндірушілердің алдын ала берген ақпараты бойынша, 500 шаршы метр аумақта жиһаз жасайтын цехтың өртеніп жатқаны анықталған. Өрт сөндіру штабы құрылды.
Қазір өртті сөндіру жұмыстарына Астана қаласы ТЖД жеке құрамының 54 адамы мен 12 техникасы, сонымен қатар Апаттар медицинасы орталығының 3 адамы және 1 техникасы жұмылдырылды.
