Павлодарда көпқабатты үйден құлаған әйел көз жұмды, деп хабарлайды "Адырна" тілшісі.
51 жастағы қала тұрғыны биіктен құлап, ауыр жарақат алған болатын. Оқиға 13 ақпанда сағат 17:03-те болды.
Дәрігерлер науқастың өміріне араша бола алмағанын айтады.
"Өкінішке орай, ол ауруханаға түскеннен кейін үш сағаттан соң қайтыс болды", – деп хабарлады Павлодар қаласының бірінші қалалық ауруханасы.
Куәгерлердің сөзінше, әйел адам көпқабатты үйдің терезесінен құлап кеткен.