28 наурызға қараған түні Павлодар мұнай-химия зауытында өрт шығып екі қызметкер күйіп қалды. Бұл туралы Облыстық төтенше жағдайлар департаменті мәлімдеді, деп хабарлайды “Адырна”.
Мәлімет бойынша, өрт 50 шаршы метр аумаққа жайылған. 1989 және 1982 жылдары туған екі қызметкер күйік алды. Дәрігерлер алғашқы медициналық көмек көрсетіп, ауруханаға жатқызу қажеттілігі болмады.
Сонымен қатар, департаменттің мәліметінше, төгілген сұйықтық тұтанып, толығымен жанып кеткен. Зауыт жабдығына зақым келмеген.
Өрт сағат 23:40-та басталған. Алғашқы болып зауыттың өрт сөндіру қызметкерлері тілсіз жаумен күресе бастады, кейіннен оларға қалалық өрт сөндіру жасақтары қосылды. Олар қайта тұтанудың алдын алу үшін қондырғыларды салқындатты.
