Ақмолада тұрғын үй өртеніп, екі адам қайтыс болды, деп хабарлайды "Адырна" тілшісі.
Ақмола облысының Щучье қаласында тұрғын үй өртенді. Қызыл жалыннан екі адам қайтыс болды.
Ақмола облыстық ТЖД баспасөз қызметі өрттің төрт пәтерлі тұрғын үйден шыққанын хабарлаған.
"Өртті сөндіруге ТЖД жеке құрамынан 22 адам және 7 өрт сөндіру техникасы тартылды. Үй ағаштан жасалғандықтан өрт сөндіру кезінде қиындықтар болды. Жалын шарпыған үйден екі адамның мәйіті табылды", — деді ведомстводан.
