ІІМ Ержан Сәденов жаңа жылдық мерекелер алдында үндеу жасады, деп хабарлайды «Адырна» ұлттық порталы Polisia.kz сайтына сілтеме жасай отырып.
Ішкі істер министрі қоғамдық тәртіпті сақтау және азаматтардың тыныштығын қамтамасыз ету жөнінде қызметкерлердің алдына бірқатар міндеттемелер қойды.
«Бүгіннен бастап қызмет атқарудың күшейтілген нұсқасына көшеміз. Сіздерге тапсырарым: құқықтық тәртіпті қорғауды күшейту, азаматтардың қауіпсіздігін қамтамасыз ету, жаяу нарядтардың санын көбейту, шыршалардың сақталуына жауаптыларды анықтау, құқық бұзушылықтардың жолын кесу, «нөлдік төзімділік» және жазаның бұлтартпаушылық қағидатын қамтамасыз ету. Барлығы заңдылық пен тәртіпке ерекше назар аударуы керек. Халық пен қоғамның талабы – полицейлер кәсіби, жемқорлыққа жол бермеуі керек. Біз осыны сақтауымыз керек», - деді Сәденов
«Адырна» ұлттық порталы
