Алматы облысы Гүлдала ауылында болған газ жарылысынан тағы бір адам қайтыс болды. Бұл туралы көпсалалы клиникалық аурухананың баспасөз қызметі айтты, деп хабарлайды «Адырна» тілшісі.
«Ауыр жарақат салдарынан 1991 жылы туған науқас ауруханада қайтыс болған еді, ал 2003 жылы туған қыз бүгін түнде есін жимастан жан тапсырды, денесін 3-4 дәрежелі күйік шалған», - делінген хабарламада.
Еске салайық, бұған дейін Гүлдала ауылында екі жеке тұрғын үйде газ жарылғанын жазған едік. Оның салдарынан 4 адам зардап шекті.
