Kenııada nóser jaýyn men sý tasqynynan 174 adam qaza tapty.Bul týraly Sınhýa agenttigi jarııalady, dep habarlaıdy ”Adyrna” ulttyq portaly.
Aqparat boıynsha, Kenııa Úkimetiniń resmı ókili Isaak Mvaýra Naırobıde jýrnalısterge bergen suhbatynda eldiń ońtústik-shyǵysyndaǵy Tana ózeni aımaǵy men Lamý aımaǵy sý tasqyny bolǵanyn aıtqan.
«Sońǵy úsh kúnde 6 adam kóshkinniń astynda qaldy. Tótenshe jaǵdaılardy basqarý ulttyq ortalyǵy sońǵy oqıǵalardyń saldaryn azaıtý úshin quzyrly mekemeler men jergilikti atqarýshy organdarmen birlesip, sý tasqyny jaǵdaıyn jiti baqylaýdy jalǵastyrýda. Qazan aıynan beri Al-Nıno qubylysy týdyrǵan tolassyz jaýǵan jańbyr 47 aýdannyń 38-ine áser etip, qatty sý tasqynyna ákelgen. Isaak Mvaýra eldiń ońtústik-shyǵysyndaǵy Tana ózeni aımaǵy men Lamý aımaǵy sý tasqynynan eń qatty zardap shekkenin aıtty. Bul aımaqtarda tótenshe jaǵdaıdy joıý jáne halyqqa kómek kórsetý jumystary jalǵasýda», – delingen habarlamada.
Sonymen qatar, Kenııanyń meteorologııalyq qyzmeti qazan aıynda bastalǵan qalyptan tys aýa raıy 2024 jyldyń qańtaryna deıin jalǵasady dep boljap otyr.
