Украина президенті Владимир Зеленский Ресей-Украина арасындағы соғыстың аяқталуына қатысты пікір білдірді, деп жазады "Адырна" порталы. Бұл туралы ол баспасөз мәслихатында айтты.
«Біздің құрметті батыстық әріптестеріміз ұзақ жылдар туралы айтса да, олар ашығын білмейді... Пікірлер көбіне шындыққа жанаспай кетеді... Соғыс, жеңіс, жеңіліс, тоқырау – көптеген шешімдерге, бағыттарға және тәуекелдерге байланысты, бірақ көбіне біздің өзімізге. Тұрақтылығымызды жоғалтпасақ, соғысты ертерек аяқтаймыз», - деді ол сейсенбі, 19 желтоқсанда. Сонымен бірге ол украиндықтардың жеңісті жақындата алатынына сенім білдірді.
Сонымен қатар, Зеленский Украинаның болашақтағы жеңіліс белгілері туралы болжамды жоққа шығарды,
«Біз қиынырақ жағдайға тап болдық, ал біз толықтай дерлік оккупацияландық, біздің мемлекетіміздің орталық аудандары дерлік қоршауда қалды... Бірақ біз одан шықтық ... Бізде басқаша қыс болды, қазір жағдай басқаша», - деді Украина басшысы.
Ол Батыстың көмегін жалғастыруда қиындықтар бар екенін мойындады. "Сіз айтып отырған тәуекел әрқашан бар, біз бәріміз тірі адамдармыз. Бірақ біз өмір сүріп, күресіп, барынша сенуіміз керек", - деді ол.
Сондай-ақ, Зеленскийдің айтуынша, Ресей биылғы жылы «бірде-бір мақсатына» жеткен жоқ, сондықтан «Украинаның жеңілісі туралы ештеңе айта алмаймын». Батыстың көмегін жалғастыруға келетін болсақ, Украина билігі жаңа келісімдер бойынша жұмыс істеп жатыр, деді ол.
