Танымал әнші Нұрлан Өнербаев бұған дейін экс-президент Нұрсұлтан Назарбаевтың кештерін жүргізгенін айтты. Өнер иесі ол отбасыға деген қазіргі көзқарасын «Білген дүрыс» бағдарламасында білдірді, деп хабарлайды "Адырна" порталы.
«Мен оның іс-шараларында өнер көрсеттім, ол менің шығармашылығымды жоғары бағалады. Ол кезде мені президент қатысқан барлық мемлекеттік шараларға шақыратын. Шалғай облыстарда концерт берсем де, тауып алып, алып кететін. Оның туған күндері мен мерейтойларын ұйымдастырдым, үнемі сонда болдым», - деп бөлісті өнер иесі.
Сондай-ақ Өнербаев бұрынғы президентке деген көзқарасының өзгергенін атап өтті.
«Әрине, менің өз көзқарасым және маған сәйкес келмейтін кейбір тұстары бар. Оның отбасы туралы әңгімелердің 80-90 пайызы шындық екеніне сенімдімін. Осы ортада болып, солардың шараларына қатысып жүргенімде ниетім таза болатын. Мен бұл адамдар мен осы ортаның ел мүддесі үшін жұмыс істеп жатқанына сендім. Менде басқа ақпарат болған жоқ. Енді көп нәрсе анық бола бастады, алданып қалғаныма өкінемін. Мен ешкім туралы жаман сөз айтқым келмейді. Мен сендім, қасында болдым, оның көптеген кештеріне қатыстым, тым көп болдым десем де болады», - деп атап өтті Нұрлан Өнербаев.
Еске сала кетейік, бұған дейін күйші Шәміл Әбілтай Нұрсұлтан Назарбаевқа арнап, "Елбасы" күйін шығарған болатын. Алайда ол кісіге ренжігендіктен күйді өртеп жібергенін айтады. Есесіне "Қаңтар қырғынынан" кейін Тоқаевқа арнап жаңа күй шығарған.
