“АрселорМиттал Теміртау” компаниясын қазақстандық инвестор сатып алатыны айтылды, деп хабарлайды “Адырна” тілшісі.
Бұл туралы Қазақстан Республикасы Премьер-Министрінің бірінші орынбасары Роман Скляр үкімет брифингінде «АрселорМиттал Теміртауды» қазақстандық инвестор сатып алатынын мәлімдеді.
«Қазір біз компанияның атын атай алмаймыз, бірақ кәсіпорынды нарықтық бағамен сатып алатын қазақстандық инвестор болады», - деді ол.
Ол бірінші кезекте оның өнеркәсіптегі қауіпсіздікке көбірек көңіл бөлінетінін атап өтті.
«Инвестициялар көлемі бір миллиард доллардан асады», - деді ол.
Компания басшылығы Костенко атындағы шахтада 28 қазаннан бастап жұмыстың барлық түрі тоқтатылғанымен, кеншілердің табыс деңгейі төмендемейтінін айтты.
1-27 қазан аралығындағы жұмысшыларға еңбекақы толық төленеді. 28 қазаннан 31 қазанға дейін жұмыс тоқтатылған кезде орташа жалақы көлемінде төлемдер жүргізіледі.
