Мемлекет басшысы Қасым-Жомарт Тоқаев «Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды “Адырна”.
Бүгін Президент «Онлайн-платформалар және онлайн-жарнама туралы» Қазақстан Республикасының Заңына қол қойды.
Қабылданған Заң Қазақстан Республикасының аумағында жұмыс істейтін барлық онлайн платформаларға қатысты қоғамдық қатынастарды, интернет-жарнаманы өндіру мен орналастыруда, тарату және сақтау процесінде туындайтын қоғамдық қатынастарды реттеуші құрал.
Мемлекет басшысы «Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» Қазақстан Республикасының Заңына да қол қойды.
Ол құжаттың басты міндеті - әлеуметтік желіде болып жататын буллинг, азаматтарды желіде қорлау, құқығын аяқ асты ету секілді келеңсіз фактілерден, қаржы пирамидаларынан сақтап, оларды қорғайды. Сонымен қатар, елімізде саяси сепаратизм мен экстремизмнің алдын алу бойынша жүзеге асып отыр.
Заң жобасы негізінен онлайн-платформалардың жұмысын заң аясында жүйелендіріп, әлеуметтік желі қолданушыларды мемлекеттің әлеуметтік-экономикалық айналымына енгізе отырып, осы саланы мемлекеттік реттеуді қалыптастырмақ.
