Қазақ халқының ұлттық ойындарын дәріптеу - қазақ тарихындағы ең маңызды құндылықтарды жаңғырту мен сақтаудың маңызды бөлігі. Осы мақсатта көненің көзін көрген ардагерлер арасында тоғызқұмалақтан чемпионатқа іріктеу шарасы өтті.
Жарысқа Алматы облысының сегіз ауданынан 40 жастан асқан, 50 жастан асқан, 60 жастан асқан және 70 жастан асқан төрт топтағы ұлттық қазақ ойынының жанкүйерлері қатысты, деп хабарлайды Алматы облысы дене шынықтыру және спорт басқармасының баспасөз қызметі.
Тоғызқұмалақ түрлерінің бірі - "Классика". Жеке есепте олар осы жас санатында Ақтөбе облысында 21 тамызда басталатын Қазақстан Республикасының чемпионатына іріктеуден өтті.
Ойнаған партиялардың нәтижесінде ерлер арасында 70 және одан жоғары жастағы жеңімпаздар қатарында Родионов Виталий болды. Әйелдер арасында Беренбаева Райхан жеңіске жетті. Олар Іле ауданынан қатысты.
60 жастан асқан жас санатында үздік нәтижелерді Әзімжанов Базарбай (Қарасай ауданы) және Мұсаева Құлсин (Кеген ауданы) көрсетті.
Ерлер арасында 50 жастан асқан санатта Кенжебек Әлназаров, ал әйелдер арасында Гүлнариям Абдугапова жеңіске жетті. Екі ойыншы да Қарасай ауданынан.
40 жастан асқан кіші топта Қарасай ауданының өкілі Боқанов Ғабит тағы да ерекшеленді. Осы жастағы әйелдер арасында Талғар ауданынан келген Авдиль Бақтыгүл үздік ойын көрсетті.
Ұйымдастырушылар: Алматы облысының дене шынықтыру және спорт басқармасы, Алматы облыстық спорттық-бұқаралық іс-шараларды өткізу орталығы, Алматы облысының тоғызқұмалақ федерациясы.
