Нұрлан Смағұлов атындағы жеке қор Абай облысына көмек ретінде 50 миллион теңге аударды. Сондай-ақ, Қазақстанда Astana Motors компаниясының өкілі Chery бренді зардап шеккендерге көмек ретінде 14 миллион теңге аударды, деп хабарлайды “Адырна” ұлттық порталы.
Нұрлан Смағұлов қорының өкілдері өңірдің бірінші кезектегі қажеттіліктері туралы жаңартылған ақпарат алу және бұл қаражаттың қайда бағытталатынын бірлесіп шешу үшін облыс әкімдігі мен табиғи төтенше жағдайды жою штабына хабарласты.
Абай облысындағы оқиғаға Қазақстан халқымен бірге қайғылымыз. Наурызда бүкіл елмен түрік халқына көмек жинадық, енді маусымда ел болып өзімізге көмектесеміз. Асар дәстүрі барлық қиындықтарға төтеп беруге көмектеседі деп ойлаймын, - деді қор директоры Айдын Сұлтанов.
