Алматы облысында кәсіпкерлікті мемлекеттік қолдау бағдарламалдары кеңінен түсіндірілді.
Өңір аумағында атқарылған шара Еңбекшіқазақ ауданында жалғасын тапты. Аудан халқына мемлекет тарапынан кәсіпкерлікке берілетін қолдаудың сан тармағы тарқатылып айтылған кездесу облыстың кәсіпкерлік және индустриялық-инновациялық даму басқармасының ұйымдастыруымен «Алматы облысы жұмыспен қамтуды үйлестіру және әлеуметтік бағдарламалар басқармасы», Алматы облысының Кәсіпкерлер Палатасы және «Даму» Алматы облысы аумақтарын дамыту орталығы мамандарының бастама көтеруімен ұйымдастырылды.
Елмен жүздесуде күн тәртібінде жастарды 2,5 пайыздық мөлшерлемемен шағын несие беру мәселесі талқыланды. Аймақ халқының табыс көзін арттыруға ықпал ету мақсатында жүзеге асырылып жатқан бағдарламаның болашағы зор, аясы кең. Тек насихат жұмыстары жанданып, жалынды жастардың білек сыбана кірісуі ғана жеткілікті.
Сонымен қатар, мамандар 1 380 000 теңге және 5000000 теңгеге дейінгі мемлекеттік қайтарымсыз гранттар беру жайы туралы да айтты. Және «Ауыл Аманаты» жобалары таныстырылды. Кездесу барысында ауыл тұрғындарына өз бизнесін ашуға немесе бұрынғы ісін кеңейтуге қажетті ақпараттар мен түрлі мүмкіндіктер бар екендігі туралы мағлұматтар алды.
