Жаңа Қазақстаннан мемлекеттік капитализмнен кетуді күтемін – Александр Машкевич

1086
Фото: informburo.kz
Фото: informburo.kz

Eurasian Resources Group (ENRC) компаниясының тең иесі, бизнесмен Александр Машкевич жаңа Қазақстаннан не күтетінін айтты, деп хабарлайды “Адырна” ұлттық порталы.

Кәсіпкер Астанада өткен Президентті ұлықтау рәсіміне қатысып, одан кейін журналистердің сұрақтарына жауап берді.

«Мен жаңа Қазақстаннан Мемлекет басшысының бүгін айтқанын күтемін. Бұл элита арасындағы жаңа қарым-қатынас, әлемге интеграция, мемлекеттік капитализмнен, мемлекеттік реттеуден кету, адамдарға әлдеқайда көп мүмкіндіктер мен білімнің жаңа деңгейлерін алып келеді», - деді кәсіпкер.

Сондай-ақ ол Қазақстанда «жасыл» технологиялар саласында жүзеге асырылып жатқан жаңа жобалар туралы ақпаратпен бөлісті.

«Біз бұл жобаны, балқыту зауытының екінші кезеңін 400-500 мың алюминийге, сонымен қатар жасыл алюминийге дейін арттырғымыз келеді. Алдағы 5 жылда біздің инвестицияның ең аз көлемі 7 миллиард долларды құрайды», - деп бөлісті Машкевич.

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket