Түркияда жер сілкініп, 35 адам зардап шекті

2046
Adyrna.kz Telegram

Түркияда 6 балдық жер сілкінісі болып, 35 адам зардап шекті, деп хабарлайды “Адырна” ұлттық порталы.

Эпицентрі Дюздже қаласынан 14 шақырым жерде орналасқан.

Түркия денсаулық сақтау министрі Фахреттин Коджа жер сілкінісі салдарынан 35 адамның зардап шеккенін мәлімдеді. Көз жұмғандар жоқ. 

Жер сілкінісі Анкара мен Ыстанбұлда, сондай-ақ елдің бірнеше қаласында қатты сезілген. Дегенмен Анкара эпицентрден 240 шақырым, Ыстамбұл 228 шақырым жерде орналасқан.  

"Қолда бар ақпаратқа сәйкес зардап шеккендер саны 35-ке жетті. Олардың 32-сі Дюздже қаласында, Ыстамбұл, Болу мен Зонгулдакта 1 адамнан зардап шеккен", – деп жазды Фахреттин Коджа.

Пікірлер