Президенттікке кандидат Салтанат Тұрсынбекова сайлауалды үгіт-насихат науқанын Маңғыстау облысында жалғастыруда, деп хабарлайды «Адырна» тілшісі «Хабар 24»-ке сілтеме жасап.
Бүгін ол Ақтауға ат басын бұрып, Ана үйіне барды. Кандидат орталықта көмек алып жатқан әйелдермен кездесіп, сайлауалды бағдарламасын түсіндірді. Аналардың сұрақтарына жауап беріп, қордаланған мәселелерін талқылады. Ақтаудағы бұл орталық 2015 жылдан бері жұмыс істеп келеді. 7 жылдың ішінде Ана үйінен 100-ден астам әйел мен 300-ге жуық бала көмек алған.
«Жыл өткен сайын алиментке қарыздар көбейіп барады. Еліміз бойынша сот орындаушыларында жүздеген мың істер бар, қарыздар миллиардтаған теңгені құрайды. Өткен жылы 150-ден астам адам бас бостандығынан айырылды. Сонымен қатар, алимент төлемейтін адамға қатысты қылмыстық іс қозғалған кезде, ол аздаған соманы, айталық, бес мың теңгені төлеп, жауапкершіліктен жалтарып қалуы жиі кездеседі»,—деді ҚР Президенттігіне кандидат.
