Президенттікке үміткер Нұрлан Әуесбаев 7 қараша күні Орал қаласында орналасқан Батыс Қазақстан облыстық сайлауалды штабқа сапармен барды. Онда ол президенттік басқару формасынан бас тарту керегін айтты, деп хабарлайды “Адырна” ұлттық порталы.
“Қала активімен кездесіп, өзімнің сайлауалды бағдарламамның негізгі тармақтарына тоқталдым. Біраз сұрақ қойылды. Билік бір адамның қолына шоғырланатын президенттік басқару формасынан бас тартуымыз қажет деген басты ойымды жеткіздім. Үкімет дамуға мүмкіндік бермей отырған олигархтарды емес, керісінше, халық мүддесін бірінші орынға қою қажет. Жемқорлықты жеңіп, мемлекеттің басқару жүйесін өзгерткен жағдайда ғана біз экономикалық жағдайымызды түзете аламыз”,- деп жазды ол сапары туралы Instagram парақшасына.
