Бүгін елордадағы Республикалық бас мешітте әл-Азһар шейхы, Жоғары мәртебелі имам Ахмет Тайып жамағатқа жұма уағызын айтты. Уағызда бейбітшілік пен бірлік, мұсылман қауымның рухани тұтастығы, Ислами құндылықтар жайлы сөз қозғалды. Терең тағлымды, тәлімді уағызға құлақ түрген жамағаттың қатарында ҚР бұрынғы президенті Н. Назарбаев та бар.
«Ислам – терроризм діні емес. Екеуі от пен су секілді екі бөлек ұғым. Асыл дініміз әлем халқын бейбіт өмір сүруге және ауызбіршілікке үндейді. Ұлттың ұлттан, адамның адамнан артықшылығы жоқ. Барлығы да – Алланың құлдары. Сондықтан айналаңыздағы адамдарды жақсылыққа, ынтымаққа, бірлікке шақырыңыздар», - деді Жоғары мәртебелі имам Ахмет Тайып.
Уағыз Діни басқарманың ресми YouTube каналынан тікелей эфирде көрсетілді деп хабарлайды "Адырна" тілшісі Мүфтияттың ресми сайтына сілтеме жасап. https://www.muftyat.kz/kk/
"Адырна" ұлттық порталы
