Облыста табиғи өрт шықты. Қазірдің өзінде 2 мың гектарға жуық орман қоры өртеніп кеткен. Оқиға орнында 200-ден астам өрт сөндіруші, халықтық және арнайы жасақтардың еріктілері жұмыс істеуде. Өрт әлі ауыздықталмады, деп хабарлайды "Адырна" порталы.
Қалыптасқан жағдай Президенттің жұмыс кестесіне өзгеріс енгізбейді - Мемлекет басшысы 5 қыркүйек күні Торғайға жұмыс сапарымен барады.
"Қазір Әулиекөл ауданындағы өртті сөндіру үшін тиісті жұмыстар жүргізіліп жатыр. Жағдайды өңірге арнайы барған Төтенше жағдайлар министрі Юрий Ильин бастаған жедел топ қадағалап отыр", - деді Президенттің баспасөз хатшысы Руслан Желдібай.
"Адырна" ұлттық порталы
