Қазақстанда қант, пияз және ұн бағасы тағы қымбаттауда. Инфляцияның ағымдағы жағдайы туралы Ұлттық статистикалық бюроға хабарланды. Болжамдар көңіл көншітпейді, деп хабарлайды “Адырна” ұлттық порталы.
Тамызда инфляция жылдық есепте 16,1%-ды, бір айда 1,4%-ды құрады. Өткен жылдың сәйкес кезеңімен салыстырғанда азық-түлік тауарлары 20,8%-ға, өзге де тауарлар 15,5%-ға, ақылы қызметтер 10,1%-ға өсті.
Азық-түлік нарығында түйіршіктелген қант бағасы жыл ішінде айтарлықтай өсті - 92,8%, пияз – 46,9%, ұн – 41,4%. Қызылша – 12,4%-ға, ал сәбіз– 11,6%-ға төмендеді.
Бағалар кеңсе тауарлары – 60,5%-ға, сөмкеге, студенттік рюкзак – 44%-ға, жеке заттар – 28,4%-ға, жуғыш және тазалау құралдары – 26,6%-ға, тұрмыстық техника – 24,2%-ға, құрылыс материалдары – 20%-ға, балалар аяқ киімі – 19,6%, жиһаз және тұрмыстық заттар – 19,2%, ыдыс-аяқ – 16%, балалар киімі – 15%, автомобильдер – 14,6%, тоқыма – 11,3%, кітаптар – 10,9%, фармацевтикалық өнімдер – 10,7%. өсті.
Ақылы қызметтердің бағасы жыл ішінде (2022 жылғы тамыздан 2021 жылғы тамызға дейін) 10,1%-ға өсті. Кешенді демалыс бағасы 20,1%-ға, қоғамдық тамақтану қызметтері – 18,4%-ға, санаторийлер – 15,3%-ға, денсаулық сақтау – 14,9%-ға, шаштараз және жеке күтім қызметтері – 13,8%-ға, қонақүйлер – 6,9%-ға қымбаттады. Жолаушылар көлігі қызметі 5,7%-ға өсті.
Тұрғын үй-коммуналдық шаруашылық саласындағы тарифтер, атап айтқанда, электр қуаты, қоқыс шығару – 3,7%-ға, кәрізге – 1,6%-ға өсті , орталықтан жылыту – 2,3%-ға, ыстық су – 0,9%-ға төмендеді.
”Адырна” ұлттық порталы
