Шымкентте қатты өрт болып, салдарынан мақта өңдейтін цех өртеніп кетті, деп хабарлайды “Адырна” ұлттық порталы.
Өрт бір қабатты ғимаратты түгелге жуық шарпыған. Нәтижесінде барлық өнімдер жанып кетті.
Өрт сөндірушілер кешкі уақытта ғана өртті толықтай сөндіре алды. Мақтаның қалдықтары ғимарат ішінде күйіп кетпеуі үшін көшеге шығарылды. Құтқарушылардың дер кезінде жұмыс істеуінің арқасында өрт көрші ғимараттарға таралмады.
Өрттің нақты себебі анықталуда. Бірақ тозған электр сымдарының салдарынан болуы мүмкін деген болжам бар.
”Адырна” ұлттық порталы
