Алматы облыстық полиция департаментінің баспасөз қызметі 2 тамызда Іле ауданында «Еңбек-Құйған» тас жолында жүк пойызы мен «Ауди 100» көлігі соқтығысты деп мәлімдеді, деп хабарлайды “Адырна” ұлттық порталы.
"Соқтығыс кезінде көлік өртеніп, оның 40 жастағы жүргізушісі оқиға орнында көз жұмды. Көлікте жолаушы ретінде болған тағы үш ер адам түрлі дене жарақаттарымен орталық аудандық ауруханаға жеткізілді", - деп хабарлады полицейлер.
Жол-көлік оқиғасы бойынша ҚР Қылмыстық кодексінің 345-бабының 3-бөлігі «Абайсызда адам өліміне әкеп соққан жол қозғалысы ережелерін бұзу» бойынша тергелуде.
”Адырна” ұлттық порталы
