Абай облысының мәслихат хатшысы сайланды

736
Фото: zharar.com
Фото: zharar.com

Президент Қасым-Жомарт Тоқаевтың Жарлығымен бүгіннен бастап құрылған Абай облысының мәслихат хатшысы сайланды, деп хабарлайды “Адырна” ұлттық порталы.

Қазір Семей қаласында Абай облыстық мәслихатының алғашқы сессиясы өтуде. Депутаттардың шешімімен хатшылық қызметті Қуаныш Сүлейменов атқарады.

Қуаныш Серқазыұлы 1973 жылы бұрынғы Семей облысының Шар қаласында туған. Семей мемлекеттік университетінің тарих факультетін бітірді. Оқуын Қазақ мемлекеттік заңгерлік академияда, Семей қаласындағы Шәкәрім атындағы мемлекеттік университетте «Мал шаруашылығы өнімдерін өндіру технологиясы» мамандығы бойынша жалғастырып, ауылшаруашылық ғылымдарының магистрі атанған. Осы уақытқа дейін «Шалабай» ЖШС бас директоры қызметін атқарды.

Еске салсақ, осыған дейін Абай облысы мәслихатының депутаттық құрамы бекітілген болатын.

”Адырна” ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket