Батыс Қазақстан облысы бойынша Мемлекеттік кірістер департаментінің бас маманы пара алды деген күдікке ілінді, деп хабарлайды «Адырна» тілшісі.
«БҚО бойынша Сыбайлас жемқорлыққа қарсы қызметімен сотқа дейінгі тергеп-тексеру шеңберінде Мемлекеттік кірістер департаментінің бас маманы әшкереленді, ол «Ж» ЖШС директорынан ЖШС пайдасына салықтық тексерудің оң актісін шығарғаны үшін аса ірі мөлшерде 40 млн.теңге пара алды деп күдіктелуде.
Күдіктіге қатысты «күзетпен ұстау» бұлтартпау шарасы қолданылды»,— делінген хабарламада.
Тергеу мүддесінде және ҚР ҚПК 201-бабының тәртібінде сотқа дейінгі тергеп-тексерудің өзге де деректері жария етуге жатпайды.
Күдіктіге қатысты кінәлілік дәрежесін анықтаумен түпкілікті шешімді сот қабылдайды.
