Алматыда Атакентте өрт шықты. Төтенше жағдайлар департаментінің мәліметінше, «Дельфин» бассейні орналасқан павильон өртеніп жатыр, деп хабарлайды “Адырна” ұлттық порталы.
«Алматы қаласы Төтенше жағдайлар департаментінің күштері мен құралдары жоғарырақ шенге жіберілді: Бостандық ауданы, Тимирязев, 42. Бірінші өрт сөндіру бөлімшелері жеткенде №9 павильон ашық жалынмен өртеніп жатқаны анықталды», - делінген хабарламада. Бұл туралы қалалық Төтенше жағдайлар департаментінің баспасөз қызметі хабарлады.
Өрттің таралу қаупі жоқ, деп сендірді ведомство. Алдын ала мәлімет бойынша, жанып жатқан павильон бос. Оқиға орнында штаб пен екі өрт сөндіру орны құрылды.
«Әкімшіліктің айтуынша, павильон қайта жөндеуден өтіп жатыр. Құрбандар мен зардап шеккендер жоқ. Оқиға орнында 17 техника мен 50 адам жұмыс істеп жатыр», - деп хабарлады ТЖД.
17:11-де өрт оқшауланып, 17:23-те жойылды.
”Адырна” ұлттық порталы
