Қазақстанда дәрігерлерге кәсіби қателіктері үшін жазаны жеңілдетуі мүмкін. ҚР денсаулық сақтау министрлігі дәрігерлерді қорғау мақсатында заң жобасын әзірлеуде, деп хабарлайды “Адырна” ұлттық порталы.
Денсаулық сақтау министрі Ажар Гинияттің айтуынша, бұл жеңілдік дәрігерлерді қылмыстық жауапкершіліктен босатпайды.
"Норма медицина қызметкерлерін зиян келтіргені үшін қылмыстық жауапкершіліктен босатпайды. Заңның кейбір нормалары жеңілдетілуде. Заң жобасы бір ай ішінде мәжіліске жіберіледі", - деді министр баспасөз мәслихатында.
Оның айтуынша, заң жобасы мыналарды көздейді:
- қылмыстық нормаларды гуманизациялау, атап айтқанда, жазаны жеңілдету, соттың қарауы үшін бас бостандығын шектеуге балама енгізу арқылы бас бостандығынан айыру мерзімін қысқарту;
- медициналық қызметкерлерге кепілдіктер мен әлеуметтік қолдау көрсетуге, олардың мәртебесін арттыруға қатысты нормалар - біржолғы ынталандыру төлемін төлей отырып, "Қазақстанның еңбек сіңірген дәрігері" құрметті атағын белгілеу.
“Адырна” ұлттық порталы
