Ресей Сыртқы істер министрі Сергей Лавров Батыстың Мәскеуге «толық гибридтік соғыс» жариялағанын айтты, деп хабарлайды “Адырна” ұлттық порталы.
«Ұжымдық Батыс бізге тотал, гибридті соғыс жариялады және мұның бәрі қанша уақытқа созылатынын болжау қиын. Бірақ оның салдары барлығына бірдей әсер ететіні анық», - деді Лавров Мәскеуде Кремльге адал ресейлік саясаттанушылар мен сыртқы саясат сарапшылары кіретін Сыртқы және қорғаныс саясаты жөніндегі кеңестің отырысында.
Лавров Ресейдің Украинаға басып кіруінен кейінгі Батыстың әрекетін «үңгірдегі руссофобиялық жарылыс» деп атады. Батыстағы ресейлік активтерге қатысты «орысшаның бәрін жою мәдениеті» мен «мемлекеттік қарақшылық» туралы айтты.
Сенбі күні G7 сыртқы істер министрлері Ресейдің экономикалық және саяси оқшаулануын күшейтуге, Украинаға қару-жарақ жеткізуді жалғастыруға және соғыстан туындаған жаһандық азық-түлік тапшылығын азайтуға күш салуға уәде берді.
Сонымен қатар, G7 сыртқы істер министрлері Қытайды Украинамен қақтығыста Мәскеуді қолдаудан бас тартуға шақырып, басқа нәрселермен қатар, Ресейдің әрекеттері жанжал аймағынан тыс көптеген елге әсер етуі мүмкін ауқымды азық-түлік және энергетикалық дағдарысты тудыратынын атап өтті.
“Адырна” ұлттық порталы
