Алматыдағы «Алтын Орда» базарының бұрынғы директоры Данияр Әбдіғапаров Қазақстан Президенті Қасым-Жомарт Тоқаевтан көмек сұрады, деп хабарлайды "Адырна" ұлттық порталы "orda.kz"-ке сілтеме жасап.
«Толық бандитизм. Қазір Қырғызстаннан көптеп келіп жатыр. Олардың кімдер екенін де білмеймін, қызметкерлер ме, жоқ па? Ешқандай құжаттарын көрсетпейді. Келіп тек ақша сұрап жатыр. Жігіттер сегіз күннен бері жұмыс істеп жатыр, жаңа әкімшілік, ешқандай зертханалық талдаусыз. Зертхана бар – қуып жіберді, баға көтерілді, халық ашулы» — деді Әбдіғапаров YEDILOV ONLINE Telegram арнасында жарияланған видеода.
Сондай-ақ ол базардың заңгеріне де әлдекімдер қысым көрсетіп, қоқан-лоқы көрсеткенін де жеткізді.
Соңғы сөзінде Данияр Әбдіғаппаров соңғы үміт президент Қасым-Жомарт Тоқаевта екенін айтып, оның бұл жағдайдан хабарсыз екеніне сенім білдірді.
"Адырна" ұлттық порталы
