Павлодар облысында жоғалған 27 жастағы жігіт іздестірілуде, деп хабарлайды «Адырна» тілшісі Polisia.kz-ке сілтеме жасап.
30 сәуірде Тереңкөл ауданының полиция бөліміне ер адам 27 жастағы ұлы Дархан Байтокты іздеуде көмектесуді сұрап жүгінді. Ол сол күні сағат 03:00 шамасында Қарасұқ ауылынан бір шақырым қашықтықтағы шалғынды жерден белгісіз бағытқа бет алып, осы уақытқа дейін оның қайда екені белгісіз.
Хабар-ошарсыз жоғалған адамның тұрған жерін анықтау мақсатында полиция қызметкерлері жедел-тергеу тобын құрып, өңірдің барлық аумақтық бөлімшелерге, сондай-ақ облыстардың Полиция департаменттеріне бағдарлар жіберді.
– Бірінші күннен бастап жоғалған адамның орналасқан жерін анықтау бойынша іздестіру іс-шаралары жүргізілуде. Тұрғын емес үйлер, ағаш отырғызу, бос жерлер, су айдындары, қамыс қопалары, шалғындар, сайлар, шұңқырлар, ағаш отырғызу, ауыл шетіндегі жерлер, қараусыз қалған құрылыстар, құрылыстар мен пішен сарайлары пысықталуда. Дала аймағы мен шалғындар квадракоптердің көмегімен қаралуда. Полицияда профилактикалық есепте тұрған адамдардың тұратын жерлері тексеріледі. Іздеуге еріктілер мен жанашыр азаматтар, ауыл тұрғындары қосылды. Іздеу жұмыстары жалғасуда, – деп атап өтті полиция.
Егер сізде Байток Дархан бойынша қандай да бір ақпарат болса, полиция барлық азаматтардан 102 телефонына хабарлауды немесе “Police 102” мобильді қосымшасын пайдалануды немесе ақпаратты dp_pavlodar инстаграм дирегіне ақпарат қалдыруды сұрайды. Анонимділікке кепілдік беріледі.
«Адырна» ұлттық порталы
