Әскерге барғанына 10 күн болған сарбаз қайтыс болды

3310
Adyrna.kz Telegram
Фото: kyzylorda-news.kz, finprom.kz
Фото: kyzylorda-news.kz, finprom.kz

Жамбыл облысында қарапайым мерзімді әскери сарбаз таңертеңгілік жасақтау кезінде есінен танып құлап, есін жимай қайтыс болды, деп хабарлайды “Адырна” ұлттық порталы.

Қайтыс болған сарбаз әскерге барғанына 10 күн болған Әлібек Қалбай.

«Сарбаз таңғы жасақтау кезінде есін жоғалтқан. Сарбазға қажетті медициналық көмек көрсетілді. Алайда есін жимай қайтыс болды. Қорғаныс министрлігі қаза болған жауынгердің туған-туыстары мен жақындарына көңіл айтады», - деп хабарлады ҚР Қорғаныс министрлігі.

Айта кетейік, сарбаз 2022 жылдың 13 сәуірінде Маңғыстау облысынан мерзімді әскери қызметке шақырылған. 18-і күні ол әскери бөлімге келіп үлгерген еді, бірнеше күннен кейін туыстары қайғылы хабар алды. Жауынгердің өліміне қатысты тергеу басталды.

Адырна” ұлттық порталы

Пікірлер