Украина президенті Владимир Зеленский елдегі жағдай ушыға бастағаннан бері қанша сарбаздың қаза тапқанын айтты, деп хабарлайды "Адырна" ұлттық порталы.
Саясаткермен сұхбаттың үзіндісін CNN жариялады.
Зеленский 24 ақпаннан бері 2500-ден 3000-ға дейін украиндық әскери қызметкердің қаза тапқанын айтты. Он мыңға жуық сарбаз жараланды және «олардың қаншасы тірі қалатынын айту қиын».
«Бейбіт тұрғындар туралы айту өте қиын, өйткені біздің елдің оңтүстігінде елді мекендер мен қалалар қоршалған Херсон, Бердянск, Мариуполь және одан әрі шығыста, Вольноваха орналасқан, сол аймақтарды қоса алғанда біз қанша адамның қаза тапқанын білмейміз», - деп мойындады Зеленский.
Президент елдегі ажал мен ойранның өзі үшін ауыр азап екенін атап өтті.
"Мен бұған әке ретінде қарай алмаймын, өйткені тек кек алу мен өлтіруді көздеу дұрыс емес. Бірақ мен көптеген адамдар қайтыс болған және жақындарынан айырылған мемлекеттің президенті ретінде елдегі әрекетті қадағалауым керек», - деді Зеленский.
"Біз бәріміз соғысқымыз келеді. Бірақ бұл соғыстың аяқталуы үшін, бәріміз де қолымыздан келгеннің бәрін жасауымыз керек. Ол неғұрлым ұзақ болса, соғұрлым ұтылатын боламыз", - деп қосты ол.
"Адырна" ұлттық порталы
