Бұл туралы Навальный өзінің Telegram-каналында хабарлады. Ол каналға Мәскеу мэриясы аймақтық қауіпсіздік департаменті басшысының орынбасары Василий Олейниктің қолы қойылған құжатты да қоса тіркеген. Құжатта"шараның орнын ауыстыру ұсынысының қабылданбауына байланысты" ұйымдастырушының "көпшілік алдында шара өткізу құқығына ие емес" екені айтылған. Бұл туралы Ресейдің "Дождь" телеарнасы хабарлады.

Мәскеу аймақтық қауіпсіздік департаментінің басшысы Владимир Черников бұдан алдын мэрияның Навальный жақтастарының 5 мамырда академик Сахаров даңғылында ғана акция өткізуді үйлестіргенін хабарлаған. Оның айтуынша, 9 мамыр күні өтетін Жеңіс шеруіне әзірлікке байланысты қала орталығындағы қозғалыстың "қауырт" екендігі ескерілген. Навальный болса, мэрия ұсынысын "провокация" деп атап, қала басшылығы ұсынған бағыттың ұзындығы небәрі 350 метр екенін айтқан.

________________________________________________________________________________________________________________