Республика бойынша сұйытылған газ бағасы 50-70 теңге аралығында, деп хабарлайды "Адырна" ұлттық порталы azattyq-ruhy.kz-ке сілтеме жасап.
Баға облыстардың алшақтығына байланысты бекітіледі. Мысалы, Маңғыстау облысында 50 теңге, ал алыс облыстарда баға 75 теңгеден аспауы тиіс.
«Болашақта тұтынушылардың көлемі өстетін болса, бізге газ қажет болады. Қазір «Қазақ газ өңдеу зауыты» ЖШС жаңарту жұмыстары жүріп жатыр. Бұған қоса, жаңа газ зауыты салынады деген жоспар бар. Келер жылы іске қосылады. Қазір газдың 50 теңге деп бекітілген бағасы өте төмен. Бұл ретте, тұтынушылар мен қатар, газ өңдейтін зауыттардың экономикалық тиімділігін ойлау керек. Бағаны көтермес үшін арнайы ережелер дайындап жатырмыз. Бекітілген бағадан жоғары сома қойып сатып жатқандар болса, оны анықтаймыз», дейді Орталық коммуникациялар қызметінде өткен жиында Энергетика министрі Болат Ақшолақов.
Оның айтуынша, Қазақстан бойынша табиғи газбен жабдықтау көлемі 58%-ды құрайды. Бұл көлемді арттыру үшін арнайы бағдарлама іске асады. Қосымша қаражат көлемін тарту көзделген.
"Адырна" ұлттық порталы
