Алматыда қарияны таяқпен ұрып-соққан адам ұсталды (ВИДЕО)

2270

Алматы полициясы қарияға таяқпен шабуылдаған көлік жүргізушісі ұсталғанын хабарлады, деп жазады "Адырна" ұлттық порталы Tengrinews.kz-ке сілтеме жасап.

Алматы Полиция департаменті мәліметінше, бұл дерек әлеуметтік желілерге жүргізілген мониторинг барысында анықталған.

"Ол ҚР Қылмыстық кодексінің 293-бабы бойынша соталды тергеп-тексерудің бірыңғай тізіліміне тіркелді. Тексеру шаралары барысында қарт адамды ұрып-соққан ер адам анықталып, ұсталды. Ол - Алматы облысының 47 жастағы тұрғыны. Ұсталған азамат өзін ақтау үшін қария көлігіне зақым келтіргенін айтты", - деді Алматы қалалық Полиция департаменті бастығының орынбасары, полиция полковнигі Рустам Әбдірахманов.

Сондай-ақ, бұл оқиға Алматы облысы аумағында болғаны анықталған.

"Қылмыстық іс материалдары қосымша тергеу және шешім қабылдау үшін Қарасай аудандық полиция бөліміне, Алматы облысының полиция департаментіне жолданады", - деді Рустам Әбдірахманов.

"Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket